Долгорочните врски подразбираат врска на која се работи секој ден, во која заедно со партнерот ги надминувате препреките, растете и се развивате и како пар и како поединци. Се поддржувате еден со друг на сите полиња и го градите вашиот свет, создавајќи здрави основи за убава иднина.
Еве три правила за долготрајна љубовна врска:

Дајте јасност на врската

Јасно е дека по одреден период вљубувањето поминува и ги гледаме маните на партнерот, особено ако се впуштиме во заеднички живот. Различни кризи во деловниот живот влијаат и на партнерскиот однос и создаваат нервоза. Она што ја дефинира долгорочната врска е јасност и јасно дефиниран правец, односно целта кон која се стремите.

За време на искрените разговори, нагласете му на партнерот дека сакате да останете заедно без разлика што се случува надвор од вашата љубовна врска, без разлика колку неволји ќе ве снајдат на работа или во семејните и пријателските односи. На овој начин и давате до знаење на вашата партнерка дека може да се потпре на вас и дека можете да патувате низ животот заедно. Бидете подготвени да ги решавате проблемите заедно и да станете најдобри пријатели еден на друг.

Заедно со овој став доаѓаат и бројни цели како што се одење на одмор но и создавање семејство, купување недвижен имот и други заеднички желби.

Почитувајте се

Кога велиме почит, мислиме на фактот дека вие и вашиот партнер сте единица која работи добро, а кога го правите тоа, можете да напредувате и да ги развивате своите вештини. Доколку не му пруживте мир и поддршка на партнерот, тој немаше да биде толку успешен во бизнисот. Исто така, доколку вашиот партнер не е посветен и не ги разбира вашите желби и очекувања, нема да блескате и да шетате низ градот со пријателите затоа што имате слободно време, бидејќи ги одвел децата на игралиште или подготвил ручек.

Ова се малите нешта кои често ги забораваме и во моментот кога ќе дојде до тепачка се гледаме себеси како индивидуа што може да оди и да функционира сам. Објаснете му на партнерот вашата вредност, како и неговата вредност и бидете свесни дека сте постигнале се во животот борејќи се заедно, од сосема различни фронтови.

Помогнете му на вашиот партнер да го достигне својот целосен потенцијал

Со цел да растете и да ги развивате своите способности, мора истовремено да се охрабрувате еден со друг да правите активности во кои уживате и во кои сте уживале пред да се запознаете. На пример, ако уживавте да земате часови по танц, работете со вашиот партнер за да најдете начин да одите на часови еднаш или повеќе неделно и продолжете да се подобрувате. Ваквите мали работи ќе ви го разубават секојдневието, вие и партнерот ќе бидете попозитивни, а врската ќе ја зацврстите преку меѓусебна соработка и разбирање.