Сè уште не се веројатни шансите американската влада да се премисли и да го промени правилото за влез на невакцинирани странски државјани.
Новак Ѓоковиќ се врати од Црна Гора каде престојуваше речиси еден месец. Шестиот тенисер во светот два дена по ред тренира во Белград на терените на ТЦ Милан Гале Мушкатировиќ во Дорчол и ја чека одлуката на американските власти дали ќе му дозволат влез во САД иако тој не е вакциниран. Сепак, според некои извори, се подготвува нова неправда бидејќи се поизвесно е дека нашиот ас ќе добие забрана за настап на УС Опен, кој започнува на 29 август.
Според неофицијални информации што се појавија во САД, а кои се однесуваат на ставот на здравствените лидери, одлуката да не се дозволи влез во Америка на странски државјани кои не биле вакцинирани ќе остане на сила, особено сега кога бројките на нови случаи се многу високо. Тоа воопшто не му оди на Новак.
View this post on Instagram
Сè уште не се веројатни шансите американската влада да се предомисли и да го смени правилото. Според одредени американски медиуми, минимални се шансите американските власти да одобрат влез во земјава на Новак Ѓоковиќ следната недела, па светскиот рекет број шест да побара вајлд-карта за Винстон Салем. Станува збор за турнир од серијата 250 и се игра во недела пред почетокот на УС Опен (од 22 до 28 август).
Последниот Грен слем сезонава е исклучително физички напорен, времето е топло, па прашање е колку Ноле би можел да игра три недели по ред по долга пауза. Да потсетиме, ждрепката за Синсинати е закажана за петок навечер, Новак се уште е во игра бидејќи се уште не го откажал учеството на тој турнир.
