Метју Пери, кој неодамна објави мемоари, во гостувањето на телевизијата CBC откри зошто повеќе не може да ги гледа старите епизоди од „Пријатели“. Актерот изјавил дека неговата зависност од опијати започнала кога почнала да се снима серијата.
Поради ова (зависност од опијати, од која се опоравува долго време), Пери не може да го гледа „Пријатели“
– Не ја гледав серијата затоа што само ќе требаше да повторувам „алкохол, дрога, кокаин“. За секоја сезона би можел да кажам што користев тогаш и затоа не сакам да го гледам. Тоа е се што гледам – изјави актерот.
Кога зборуваше за зависноста, пред камерата се расплака
– Во еден момент толку многу се тресев што ако сакав да се префрлам само од полицата на масата, морав да се потпрем на нешто. Дотаму отиде. Знаете, она што секогаш ме тера да плачам е фактот дека ова не е фер. Не е фер што јас морав да поминам низ оваа болест додека остатокот од тимот не. Добија сè што добив, но јас бев единствениот кој мораше да се борам против оваа работа и се уште го правам тоа – низ солзи изјави актерот, пишува 24сата.хр.
Погледнете што Метју Пери имаше да каже за својот проблем:
