Поради обврските околу бебето, првото нешто што повеќето мајки го жртвуваат е да вежбаат.
Поради обврските околу бебето, првото нешто што повеќето мајки го жртвуваат е да вежбаат. Но, кога бебињата малку ќе пораснат, на мајките им е главно тешко да се вратат на тренинзите што ги практикувале пред бременоста.
Физичката активност, особено кога е со умерен до висок интензитет, има повеќекратни здравствени придобивки – го намалува ризикот од разни болести, помага во одржувањето на менталното здравје и спречува зголемување на телесната тежина. Вежбањето им помага и на родителите полесно да се справат со секојдневните предизвици што ги носи животот со деца.
Но, како што покажуваат резултатите од новото истражување спроведено во Велика Британија, паровите кои имаат деца се помалку физички активни од оние кои сè уште не се обиделе во родителската улога. Истражувачите од Универзитетот во Кембриџ и Саутемптон, предводени од епидемиологот д-р Кетрин Хескет, анализирале 848 жени на возраст од 20 до 34 години во однос на нивната физичка активност.
Откриено е дека помалку од 50 проценти од мајките ги поминуваат препорачаните 150 минути вежбање секоја недела. Мајките со деца на училишна возраст вежбале во просек по 26 минути дневно, додека мајките со деца на возраст под четири години тренирале сила околу 18 минути на ден. Мајките кои имаат повеќе деца посветуваат 21 минута дневно на тренинг.
– Кога имате мали деца, родителските обврски често ви одземаат многу време – вели Хескетова.
– Затоа вежбањето е една од првите работи што мајките ја „прекрстуваат“ за да имаат што повеќе време за децата и одмор. Но, има и добри вести; штом децата почнуваат на училиште, мајките успеваат да најдат време да одат на тренинг.
