Ако сакате да ги „бришете годините“, да ги ублажите брчките и да изгледате посвежо, применете ги советите на експертот за шминка Сара Амелија Фог.
Како што старееме, брчките се неизбежни, но постои начин да ги направите помалку видливи – со тоа да изгледаме помлади. Еден од најдобрите совети во оваа насока е употребата на шминка, за што зборува популарната шминкерка Сара Амелија Фог.
Сара на почетокот на разговорот истакнува дека е важно да се прифати стареењето:
– Брчките не се нужно нешто што треба да се сокрие, тие се показател за грациозно стареење. Но, разбирливо е што некои жени сакаат да ги прикријат; за да го постигнете ова, важно е да ја подготвите кожата пред да се нашминкате.
Чекор 1 – силиконски прајмер
Со цел брчките да бидат помалку видливи, важно е кожата да е ексфолирана и доволно хидрирана. Тогаш Сара препорачува силиконски прајмер како основа кој помага за омекнување и пополнување на брчките. Со тоа, посочува, и шминката ќе биде мазна.
– Препорачувам нанесување со прсти или четка, а не со лажица; на овој начин ќе постигнете најдобра покриеност. Оставете го прајмерот неколку минути да се стегне, па дури потоа почнете да нанесувате шминка. Веројатно ќе ви треба помала количина пудра, па вашето лице ќе изгледа како да немате шминка – открива Сара.
Чекор 2 – обликување на веѓите
За време на шминкањето и разубавувањето жените најчесто грешат во пределот на веѓите.
– Целосното занемарување на веѓите може да направи да изгледате постаро, особено ако имате ретки веѓи. Исто така, премногу боја на веѓите може да ја нагласи возраста. Ако сакате дефиниран изглед, избегнувајте да додавате боја на краевите на веѓите, бидејќи ризикувате да „исцртате“ линии кои ќе направат да изгледате постаро – предупредува Сара.
Кога нанесувате шминка на веѓите, почнете од нивните краеви и работете кон внатрешниот дел – ќе изгледа меки и поприродно.
– Секогаш избегнувајте прекумерно кубење. Влакната на веѓите растат многу бавно, приближно 0,14 милиметри дневно. Но, колку време ќе биде потребно за вашите веѓи да пораснат повторно ќе зависи од нивото на траума на фоликулите на веѓите од кубењето. Во просек, потребни се околу четири недели фоликулот да стане видлив и уште подолго да порасне – објаснува Сара.
Ако ви се случило да претерате кога ги кубете веѓите, таа препорачува да користите серум кој ќе го промовира нивниот раст или да одите на полутраен омбре третман.
Чекор 3 – Руменило
Друг производ кој може да направи да изгледате помладо е руменилото. Сара советува да нанесете руменило на јаготките со помош на широка четка.
– Така нема да изгледате како само да сте излегле од напорно трчање – коментира експертот.
4-ти чекор – хидратација на усните
Сара потсетува дека хидратацијата на усните е од големо значење за младешкиот изглед. Но, покрај редовната употреба на хидратантен балзам, има уште нешто што може да ви помогне да ги задржите вашите усни помлади:
– Полутрајната шминка на усните може да ги направи пополни и подобро дефинирани. Може да трае две до три години, со посети за корекции и редовна нега.
