Една мајка на исклучително едноставен начин ја решава непријатната ситуација низ која поминуваат речиси сите родители.

Одењето во продавница за играчки може да биде интересно искуство и за децата и за родителите, се до моментот кога малечките ќе почнат да плачат и да се хистеризираат затоа што сакаат нивните родители во исто време да им купат нова играчка.

Вакви епизоди доживеале речиси сите родители, но многумина не знаеле како да го смират детето за кратко време и да му објаснат дека не може да си оди дома со избраната играчка.

Солзи, грофтања, крици, пискотници, одбивање на детето да остави играчка која родителот од различни причини не може да си ја дозволи во тој момент е сценарио кое им се случува на сите мајки и татковци на планетава.

И Девин Александар, најпродаваниот автор на Њујорк Тајмс и славен готвач, се соочи со истиот проблем.

Но, таа смислила генијален трик за да го смири детето кое одвреме-навреме сака да ја напушти продавницата со нова играчка.

– Никогаш не му кажувам „не“ на моето четиригодишно дете, ниту кога сме во продавница за играчки, ниту кога сме надвор – вели оваа мајка.

Таа секогаш наоѓа начин да го одложи она што детето го сака во тој момент. Ова е ситуацијата кога детето сака нова играчка, особено пред празниците.

– Велам дека ќе му насликаме играчка на Дедо Мраз и дека пред крајот на годината заедно ќе го поминеме албумот, а потоа тој ќе одлучи што навистина сака да добие од Дедо Мраз. На тој начин никогаш не морам да кажам „не“, а на детето му оставам простор да избере што навистина сака – открива оваа мајка.

Во исто време, албумот со фотографии може да биде корисен кога членовите на семејството и пријателите прашуваат што би можеле да го израдуваат детето за празници или роденден – слики од играчки секогаш има.

Девин Александар го сподели овој трик на социјалните мрежи. Повеќето родители биле воодушевени од начинот на кој оваа мајка го решава проблемот без детски солзи, гнев и шопинг хистерија.

– Ви благодарам што го споделивте овој трик за фотографирање со играчки, дефинитивно ќе го користам – рекла една мајка.

Но, имаше и такви родители кои строго се придржуваат до правилото дека децата мора да знаат што е дозволено, а што не.

– Секогаш му велам „не“ на моето дете кога така мислам. Мора уште од мали нозе да научи дисциплина и да биде свесен за последиците од лошото однесување – рекла друга мама.